Zbulohet molekula për t’u nxirë pa u djegur
06/08/2013 00:00
“Ikën shpirti, zemra, gjithçka”/ Trauma e Neritan Liçajt: Babai nuk jeton më, por ja si flas çdo mëngjes me të… 05/05 09:57
Është zbuluar molekula për t’u nxirë në plazh pa pasur rrezikun e djegies. Gjendet në lëkurë në sasi të mëdha dhe mund të bëhet objektivi i kremërave të ardhshme diellore.
Identifikimi është bërë nga një grup studiuesish të koordinuar nga Duke University, të cilët rezultatet e studimit i kanë publikuar në revistën e Akademisë së Shkencave të SHBA.
Djegiet klasike në plazh shkaktohen nga ekspozimi i tepruar ndaj rrezeve diellore, në veçanti atyre ultravioletë të tipit B.
Bëhet fjalë për rrezatime të lëshuara nga Dielli që në masë të ulët mund të sjellin përfitime pasi ndihmojnë qelizat e lëkurës të prodhojnë vitamina D, por në masë të tepruar mund t’i shkaktojnë dëme ADN-së.
Në këtë kontekst, djegiet e dhimbshme përbëjnë një alarm që u bën thirrje pushuesve që të mos rrijnë më nën Diell.
Duke analizuar shtresat e lëkurës, studiuesit amerikanë kanë zubluar përgjegjësen e efekteve të dhimbjes nga djegia, molekulën TRPV4.
Duke eleminuar përmes një ilaçi molekulën në fjalë tek minjtë, studiuesit kanë arritur të kufizojnë dëmet e rrezeve të forta.
Zbulimi mund të çojë në krijimin e ilaçeve të reja për të luftuar tumoret e lëkurës të shkaktuara nga Dielli, ose në përmirësimin e kremërave mbrojtës.
Top Channel
