Një 51-vjeçare u vendos në faqet e para të mediave britanike pas aventurës së saj si “Jack Sparrow” në drejtimin e një anijeje 25 metër të gjatë.
51-vjeçarja Alison Whelan, në gjendje totalisht të dehur dhe e shoqëruar nga një miku i saj, “rrëmbeu” një anije në një mol në brigjet angleze në ndjekje të aventurës së saj për të qenë një pirate.
Policia tha se në momentin që kishte mbërritur atje, 51-vjeçarja bërtiste “jam një pirate” dhe refuzoi të ndalonte mjetin, deri në momentin kur efektivët hipën në bord dhe e ndaluan.
Gjatë dëshmisë para autoriteteve, “piratja” tha se nëse s’do të ishte kapur, do t’i drejtohej Saint Tropez-it në Francë.
Menjëherë sapo i doli pija, ndaj saj u ngritën akuzat e dëmtimit të pronës private. Gjatë drejtimit të anijes Alison ka përplasur disa varka të tjera të ankoruara në mol duke shkaktuar një dëm total prej mijëra paundësh.
Top Channel