Bieber, a do të lirojë majmunin e tij nga “burgu”?

19-vjeçari u urdhërua që të paguajë për majmunin e tij kapuçin për kostot e përkujdesjes, ushqimit dhe vizitave mjekësore.

Ai do të ketë kohë deri në mesnatë për të kërkuar rikthimin e gjitarit, që në rast të kundër do t’i dërgohet një kopështi zoologjik.

Majmuni u sekuestrua në 28 mars, pasi Bieber mbërriti në Gjermani për të kënduar për fansat e tij.

I konsideruar nga autoritetet gjermane një kafshë e rrallë, kapuçini nuk shoqërohej me dokumentet përkatëse të detyrueshme në bazë të ligjit dhe për këtë arsye u sekuestrua.

Megjithatë, është e paqartë nëse Bieber do të vendosë të paguajë duke reklamuar majmunin, pasi deri më sot, nuk e ka bërë këtë në pothuajse dy muaj, pavarësisht se sipas fjalëve të tij, ishte jashtëzakonisht i “afeksionuar pas kafshës”.

Top Channel