Persona të panumërt në të gjithë botën përkeqësojnë dhembjen trupore nëpërmjet marrjes së qetësuesve, ishte rezultati kontradiktor i një studimi shkencor.
Sipas të dhënave të një Instituti Britanik, rreth një në 50 persona përjeton dhembje të shkaktuara pikërisht nga marrja e barnave analgjezikë.
Veçanërisht të ekspozuar janë ata që përdorin qetësuesit në një masë të tillë sa që i lejojnë trupit të krijojë rezistencë ndaj tyre apo të tjerët që i konsumojnë në lidhje me një problem tjetër shëndetësor.
Rreziku më i madh, sipas studimeve, u evidentua në mjekime të përhapura dhe kudogjendura si aspirina, paracetamoli apo ibuprofeni.
Studimi ngriti një shqetësim evident, në lidhje me mundësinë e përfshirjes në një rreth vicioz, të konsumimit të gjithmonë e më shumë qetësuesve, ndërsa dhembja bëhet gjithmonë e më e fortë.
Diçka e tillë u provua se ndodh në shumë raste dhe besimi i njerëzve se qetësuesit janë e vetmja zgjidhje, e bën gjendjen e tyre edhe më kritike.
Për të shmangur sa më shumë një rrezik të tillë, ekspertët rekomanduan realizimin e testeve mjekësore, të cilat janë në gjendje që të tregojnë se cili është qetësuesi më i përshtatshëm për këdo.
Top Channel
