Në koma, qan pas telefonatës

Britaniku Mathew Taylor u dëmtua rëndë në një aksident me motor në Bali, Indonezi, në korrik 2011.

Mjekët paralajmëruan familjen e tij se 31-vjeçari me shumë gjasa nuk do të zgjohej kurrë nga koma, por pas pothuajse një viti pas dhënë asnjë shenjë jete, ditën e enjte ai nisi të qante teksa dëgjoi zërin e Anda Nurul, njeriut të tij të zemrës që prej tre vitesh.

27-vjeçarja e shoqëroi Taylor në Britani, ku ai u transferua për të marrë trajtim më të specializuar pasi familja e tij pagoi 100 mijë stërlina per transportin dhe kurimin, por u detyrua të rikthehej në vendin e saj, pasi viza i skadoi pas disa muajsh qëndrimi.

Si rrjedhojë, Nurul e pa veten të detyruar që vizitat e saj të përditshme t’i shndërronte në “monologje” të gjata telefonike nga Indonezia.

Të enjten, më në fund ky komunikim dha shenjat e para pozitive, ndërsa Taylor nisi të qante, një shenjë e qartë që truri i tij është në gjendje të përpunojë të gjithë informacionin që i vjen dhe sipas mjekëve, tashmë edhe zgjimi është i afërt.

Top Channel