Pirja e ujit ul rrezikun e diabetit

02/06/2012 16:25

Femrat që zgjedhin të pijnë ujë në vend të lëngjeve të tjera janë më pak të rrezikuara nga diabeti.

Sipas Shkollës së Shëndetit Publik në Harvard, lëngjet me sheqerna, duke përfshirë lëngjet e frutave, rrisin në mënyrë të konsiderueshme rrezikun e diabetit tek femrat.

Shkencëtarët kanë vëzhguar 83 mijë femra në SHBA përgjatë një dekade dhe kanë dalë në përfundimin se ato që preferojnë ujin janë më pak të rrezikuara.

Por, sasia e ujit që një femër pi gjatë ditës nuk ndikon aspak. Një femër që pi gjashtë gota ujë në ditë është po aq e rrezikuar nga diabeti sa dikush që pi vetëm 1.

Ndryshimin e bënin lëngjet me sheqerna dhe lëngjet e frutave sepse sipas shkencëtarëve këto lëngje kanë po aq kalori sa ushqimet me sheqerna.

Në Shtetet e Bashkuara të Amerikës 10% e femrave vuajnë nga diabeti.

Top Channel