Winslet: Jam plakur më mirë se Di Caprio
02/04/2012 18:10
Çfarë ndodh me trupin gjatë fluturimeve të gjata? 30/09 22:55
Kate Winslet, e shndërruar në një ikonë të kinematografisë nëpërmjet pjesëmarrjes në “Titanic”, ka pranuar më parë vështirësitë që ka patur për të mbajtur nën kontroll peshën në vitet e para të famës së saj.
Megjithatë, 15 vjet më vonë, 36-vjeçarja ka marrë hakun e saj. Në një intervistë të dhënë në një rrjet amerikan, Winslet theksoi se “ndërsa miku i saj Leo është plakur dukshëm, ajo është shumë më e dobët”.
”Natyrisht që dukemi shumë më ndryshe tani, jemi më të vjetër. Leo është 37 vjeç, ndërsa unë jam 36. Në atë film ishim 21 dhe 22. Megjithatë, sot ai duket më i plakur se unë dhe jam gjithashtu më e dobët”, tha aktorja britanike në “Daybreak”.
Intervista e aktores erdhi në pragun e premierës së konvertuar në 3D të filmit, arkëtimet e së cilit mbetën rekord për më shumë se një dekadë, deri në publikimin e “Avatar”-it në 2010-n.
Winslet, e cila pranoi se nuk e kishte riparë asnjëherë “Titanic” që prej publikimit në kinema në vitin 1997, pranoi se do t’i lejojë fëmijët e saj që t’i shohin të gjitha sekuencat pa ndërprerje, përfshi edhe atë në të cilën ajo pozon nudo për Jack, personazhin e interpretuar nga Di Caprio.
Top Channel
