SHBA, skandal me eshtrat e ushtarëve të vrarë
09/12/2011 09:50
Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Një skandal ka përfshirë ushtrinë amerikane, pasi “Washington Post” publikoi prova se hiri i trupave të 274 ushtarëve amerikanë të vrarë në luftë në vitet 2004-08, është trajtuar dhe më pas hedhur pa asnjë kujdes nga morgu më i madh ushtarak në SHBA.
E përditshmja amerikane provoi se skandali ka ndodhur në bazën ajrore të Doverit, ku mbërrijnë zakonisht avionët që transportojnë trupat e ushtarëve.
Familjet, të cilat kishën rënë dakord që mbetjet të trajtoheshin me respekt, nuk ishin në dijeni të praktikës. Zyrtarë të Pentagonit deklaruan se nuk e kanë autorizuar procedurën, të cilën e konsideruan si “tërësisht të papërshtatshme”.
Përmasat e skandalit mund të mësohen tërësisht vetëm pas një hetimi të detajuar, për të gjithë 6 300 trupat e pajetë që kanë kaluar nga baza ajrore e Doverit në periudhën e hetuar.
“Washington Post” vërtetoi se në katër vitet nga 2004-08, 976 fragmente, që i përkisnin 274 ushtarëve të rënë në luftë, u shkarkuan si të ishin plehra në një landfild, pa asnjë përkujdesje apo shenjë, pasi ishin kremuar.
1 762 mbetje të tjera, të cilat nuk iu nënshtruan testimimit gjenetik pasi ishin tepër të dëmtuara, u trajtuan në të njëjtën mënyrë.
Gari-Lynn Smith, e veja e një ushtari të vrarë në Irak, ishte ajo që këmbënguli në zbardhjen e praktikës abuzive, duke kërkuar për katër vjet me radhë informacion se ku ndodheshin mbetjet e bashkëshortit të saj.
Top Channel
