Xhufi: Regjistrimi, rrënjë të hershme
07/03/2011 21:55
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Sipas historianit të njohur shqiptar, Pëllumb Xhufi, interesat e Greqisë për të imponuar regjistrimin mbi baza etnike dhe fetare i kanë rrënjët që në vitin 1913.
“Kjo histori daton që nga pushtimi grek dhe që në 1913-ën kryeministri grek ka kërkuar të bëhet një plebishit në zonat jugore të Shqipërisë”, ka deklaruar Xhufi.
“U pushtua camëria, që është quajtur në atë kohë Shqipëria e Poshtme, dhe pastaj doli termi Epir. U tha që u pushtua Epiri i Jugut dhe u tha që ka mbetur për t’u pushtuar Vorio Epiri”, ka vijuar ai.
Më tej Xhufi ka treguar edhe nismën e qeverisë greke që në konferencën e paqes në Paris, të vendoste regjistrimin mbi baza etnike dhe fetare në Shqipëri.
“Autoritetet greke Venizellos i thanë që të bënte plebishitin se me kë banorët donin të bashkoheshin. Por konferenca e paqes në Paris nuk e pranoi, edhe pse pjesën e luanit e kishte kryeministri francez Klemanso, që ishte edhe aleat i Venizellos”, ka treguar Xhufi.
“Ata vunë një kriter të qartë, këtu do vendoset kufiri duke u bazuar mbi përbërjen etnike. Gjuha ka qenë kriteri kryesor dhe u tha se banorët flisnin shqip. Sot kjo cështje është rikthyer”, ka shtuar historiani.
Top Channel
