Ulja e temperaturave dhe moti i lagësht ka rikthyer në zonën verilindore rreshjet e dëborës.
Gjatë 24 orëve të fundit e gjithë zona e bllokuar disa herë nga rreshjet e borës ka nisur të ketë sërish probleme, megjithatë jo shumë shqetësuese për lëvizjen e mjeteve në akset nacionale.
Probleme raportohen nga fshatrat malore të qarkut të Dibrës, por edhe në disa zona në Kukës.
Burime nga policia e qarkullimit rrugor bëjnë me dije se rrugët nacionale, Peshkopi-Burrel dhe Peshkopi-Kukës, janë aktualisht të kalueshme nga automjetet.
Ndërsa rruga Ura e Çerenecit-Klenjë-Steblevë, kalohet me vështirësi sidomos në vendin e quajtur “Draganicë” dhe “Fusha e Klenjës”.
Top Channel
