Korcë, nënshtetas të askujt
03/03/2011 15:40
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Vangjel Lena, banor i qytetit të Korcës që nga lindja, ka ngelur pa nënshtetësi. Kështu i thonë në zyrat e gjendjes civile të qytetit të Korcës ku i moshuari nuk mund të marrë dot asnjë dokument, sepse është cregjistruar nga listat e shtetasve shqiptarë.
Si ai janë disa dhjetra banorë të Korcës që ditët e fundit po hasin këtë problem. Në vitin 1989 ata kishin kërkuar heqjen e nënshtetësisë dhe vendimin e kanë marrë në vitin 1991.
Vangjel Lena priste të merrte nënshtetësinë greke, por nuk mundi dhe tani ka ngelur shtetas i askujt.
“Ne po vazhdonim, 20 vjet demokraci, me certifikata e me letra venim në zyrë. Tani më thonë që më është hequr nënshtetësia, se kush e hoqi nuk e di. Unë jam shtetas shqiptar sepse kam lindur në Shqipëri”, deklaron Lena.
Pranë zyrës së gjendjes civile është përpiluar një listë me emrat e shtetasve që kanë këtë problem dhe janë disa dhjetra.
Në vitin 1991 ata kërkuan vetë ndryshimet në gjendjen civile dhe shërbimet ndaj tyre janë pezulluar deri në rikonfirmimin e nënshtetësisë, të cilën mund ta marrin pasi t’i drejtohen zyrtarisht me kërkesë presidentit.
Top Channel
