Vizat, Basha: Lëvizje normale drejt BE
15/02/2011 12:05
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Ministri i Brendshëm, Lulzim Basha ka deklaruar se pas heqjes së vizave, në vendet e Bashkimit Evropian nuk ka pasur fluks kërkesash për azil nga shtetasit shqiptarë.
Sipas Bashës, ecuria nga Shqipëria drejt vendeve të zonës Schengen ka qenë normale dhe më e mirë krahasuar me vendet e tjera të rajonit.
“Dy muaj nga liberalizimi i vizave kanë dalë 126 mijë shtetas shqiptarë dhe janë kthyer 36 mijë. Ecuria ka qenë normale, janë refuzuar vetëm 2 për qind e atyre që kanë dalë. Kjo është shifra më e mirë krahasuar me vendet e tjera të rajonit. Gjithashtu, deri tani asnjë shtetas shqiptar nuk ka kërkuar azil”, ka deklaruar Basha.
Ndryshe nga Shqipëria, qytetarë nga Maqedonia dhe Serbia kur BE u hoqi regjimin e vizave vërshuan drejt vendeve perëndimore, kryesisht Gjermani, Belgjikë dhe Suedi, duke kërkuar azil politik.
Top Channel
