Dy sulme me bombë pranë qytetit pakistanez të Peshavarit shkatërruan një depozitë nafte të NATO-s dhe vranë tre ushtarë pakistanezë.
Ngjarjet ndodhën më pare gjatë drekës, në një zonë të njohur për mbështetjen tradicionale për talebanët afganë dhe eksponentët e Al-Qaeda.
Nuk ka një deklaratë që merr përsipër përgjegjësinë e sulmit, por talebanët kishin kërcënuar më parë me ndërmarrjen e sulmeve në zonë, për t’u hakmarrë ndaj aksioneve të fundit kundër tyre, në rajonin e Mohmandit.
Një makinë ushtarake shkeli mbi një minë e vendosur në rrugë. Në incident mbetën të vrarë tre ushtarë pakistanezë dhe tre të tjerë u plagosën.
Pothuajse në të njëjtën kohë, në një zonë e ndodhur atje pranë, një bombë shkaktoi shpërthimin e një depozite nafte e përdorur nga forcat e NATO-s në Afganistan, duke dëmtuar 16 makina dhe plagosur gjashtë persona.
Top Channel
