Sulmi në Moskë, zbardhet identiteti i kamikazit
05/02/2011 01:35
Izraeli kufizon kalimet në kufijtë tokësor në Gaza, SHBA nis kamionët me ndihma, për herë të parë përmes portit të të ri 17/05 10:46
Sulmi në aeroportin e Domodedovos në Moskë, u mendua fillimisht se ishte vepër e një kamikazeje. Por ekspertët mjeko-ligjorë kanë arritur të përcaktojnë identitetin e njeriut që hodhi veten në erë bashkë me 36 persona të tjerë më 24 janar.
Nga sa raportohet në mediat vendase, autori i sulmit që tronditi Rusinë ishte 20 vjecari Magomed Jevlojev nga Republika e Ingushetisë në rajonin e trazuar të Kaukazeve Veriore. Të njëjtat raporte tregojnë Jevlojev vazhdonte studimet e larta për financë. Agjencitë ruse të hetimit dhe sigurisë nuk e kanë konfirmuar njoftimin.
Javën e kaluar, hetuesit thanë se i dyshuari ishte nga Kaukazi Verior, por nuk kishin publikuar emrin e tij. Kreu i Shërbimi Federal rus të Sigurisë deklaroi se në momentin që kreu shpërthimin, 20 vjecari ishte nën influencën e një sasie të fuqishme droge, cka e tregoi qartë edhe autopsia e tij.
Top Channel
