Me dhjetëra mijëra protestues janë mbledhur në sheshin kryesor të Kajros, Tahrir, për të kërkuar për të dhjetën ditë radhazi largimin e presidentit Hosni Mubarak.
Fluksi i njerëzve vazhdon të shtohet në mesditë, ndërsa me dhjetëra mijëra të tjerë janë duke ecur në rrugët kryesore të kryeqytetit për të mbërritur në qendër.
Dita e sotme është emërtuar si dita e largimit të presidentit Hosni Mubarak, i cili mbrëmë pranoi se dëshiron të japë dorëheqjen, por nuk e bën këtë nga frika e rritjes së pasigurisë në vend.
Protesta e sotme është më e madhja në numër që prej ditës së martë, kur 250 mijë persona u mblodhën vetëm në sheshin Tahrir. Mbi 300 persona kanë humbur jetën në protestat e dhunshme të këtyre ditëve.
Top Channel
