Me qindra palestinezë, mbështetës të Hamasit, u bashkuan në Gaza në një protestë solidarizuese me Egjiptin, gjatë mesditës.
Lajmin e raportoi “Associated Press”, ndërsa konfirmoi se në protestën paqësore u shpalosën banderola dhe parrulla kundër presidentit Hosni Mubarak.
Shumica e pjesmarrësve në demonstratë ishin studentë. Hamasi nuk ka shprehur një qëndim zyrtar rreth krizës egjiptiane, por ata janë përkrahës të zjarrtë të Vëllazërisë Muslimane, partisë opozitare në Egjipt.
Gjithashtu, grupi që drejton territoret autonome të Palestinës, nuk ka pranuar qëndrimin e Mubarak-ut ndaj Izraelit. Ai nuk vendosi asnjë bllokadë gjatë bombardimit të Gazës në janar 2009.
Top Channel
