Kryeministri egjiptian kërkon falje publike
03/02/2011 15:15
Burrin që e zuri gjumi në kazanin e mbeturinave, e shtyp për vdekje kamioni i mbledhjes në Holandë (fotot)
08/05 16:13
Kryeministri i Egjiptit kërkoi falje publike për përplasjet e djeshme midis mbështetësve dhe kundërshtarëve të Mubarak-ut, ku pesë persona gjetën vdekjen dhe disa qindra u plagosën.
Në një deklaratë të sotme përpara kombit, Ahmed Shafiq e cilësoi dhunën si një “gabim fatal” dhe kërkoi hetime për mënyrën se si ajo nisi.
Një ditë më parë, mbështetës të presidentit Mubarak sulmuan me kuaj dhe deve turmat e protestuesve të irrituar, duke nisur një zënkë popullore midis civilëve, në të cilën forcat e sigurisë nuk mundën të ndërhynin.
Ndërkohë, protestat vazhdojnë edhe sot, në ditën e tyre të dhjetë, ndërsa me mijëra protestues kërkojnë largimin e Hosni Mubarak-ut, i cili udhëheq vendin që prej 30 vitesh.
Sipas vlerësimeve të Organizatës së Kombeve të Bashkuara, mbi 300 persona kanë mbetur viktimë e protestave në Egjipt.
Top Channel
