Egjipt, Mubarak: Gati për reforma
01/02/2011 01:45
Netanyahu dënon kërkesën e GJNP-së për urdhër-arrest ndaj tij: Një përpjekje për t’i mohuar Izraelit të drejtën themelore për vetëmbrojtje 21/05 08:03
Zv/presidenti egjiptian është shprehur se shumë shpejt pritet të nisin bisedimet me opozitën për zgjidhjen e krizës dhe dhënien fund të protestave të dhunshme në vend.
Duke folur në një konferencë për shtyp, zëvendësi i Mubarak, Omar Suleima tha se është ngarkuar nga presidenti për të nisur bisedimet me forcat e tjera politike në Egjipt në mënyrë që t’i hapet rrugë një sërë reformash kushtetuese e ligjore për demokratizimin e vendit.
“Partitë e tjera do të kenë rolin e tyre në këto reforma që do ta cojnë vendin drejt një shndërrimi politik total”, tha Suleimani.
Ndërkohë, udhëheqës të ushtrisë, e cila ka zbritur në rrugët e qyteteve kryesore të vendit prej disa ditësh, deklaruan se nuk do të ndërmerret asnjë masa ndaj protestuesve për t’i lënë kohë politikës të negociojë.
Top Channel
