Kërcënimi ndaj Ramës, PS: jo për zhdëmtim makine
30/01/2011 20:25
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Partia Socialiste e ka cilësuar si të turpshme deklaratën e Drejtorit të Përgjithshëm të Policisë, Hysni Burgaj lidhur me 3 arrestimet për kërcënimin e Edi Ramës.
Anëtarja e Asamblesë së PS, Megi Ajtyresa në një konferencë për mediat tha se kërcënimi ndaj zotit Rama nuk është bërë për zhdëmtim makine.
“E turpshme dhe qartësisht kuptimplotë deklarata e Drejtori të Përgjithshëm të Policisë, i cili foli për një sms për zhdëmtim makine duke treguar se në fakt nuk i shërben shtetit, por pushtetit. E vërteta është krejt ndryshe, drejtori duhet ta dijë mirë. Shqiptarët kanë dëgjuar të ashtuquajturin kryeministër të kërcënojë me jetë kryetarin e opozitës i cili nuk ka bërë dhe nuk e ka ndërmend të bëjë asnjë denoncim për kërcënimet që i janë bërë atij vetë dhe familjes së tij, jo me sms për zhdëmtim makine, por më shumë: paralajmërim për jetën e tij”, tha anëtarja e Asamblesë së PS, Megi Ajtyresa.
Top Channel
