Pollo: Kompanitë celulare, fitime të larta
21/01/2011 08:50
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Në prag të vendimit të qeverisë për vendosjen e një norme të lartë të tatimit mbi fitimin e kompanive, ministri për Inovacionin e Teknologjinë e Informacionit e të Komunikimit, Genc Pollo, thirri dje në takim drejtorët e kompanive mobile “Plus”, “AMC”, “Vodafone” dhe “Eagle”.
Takimi u zhvillua me dyer të mbyllura dhe nuk ka informacion se për çfarë u fol konkretisht, por duket se situata e fundit e tensionuar mes qeverisë dhe kompanive, lidhur me rritjen e mundshme të taksave, ka detyruar palët të ulen në tryezë.
Zyrtarisht, nga ministria u tha se është folur në parim mbi ecurinë e tregut dhe studimin e kryer nga AKEP për tarifat e bisedave celulare.
Sipas ministrit Pollo, kompanitë celulare dalin me marzhe fitimi tepër të larta, arsye për të cilën ai u ka rekomanduar atyre uljen e tarifave të shumicës.
Mësohet gjithashtu se Pollo u tha drejtorëve të kompanive se pas vendimit të AKEP-it në shkurt të 2011-s do të pritej që kjo ulje e tarifave të reflektohej edhe te çmimet e përdoruesit. Sulmi ndaj kompanive celulare vjen në një kohë kur vendi po hyn në fushatë elektorale.
Top Channel
