Persona të armatosur në Pakistan kanë sulmuar sërish cisternat e karburantit të forcave të NATO-s, duke u vënë flakën 20 prej tyre.
Rebelët kishin ngritur një pritë pranë qytetit jug-perëndimor të Kuetës dhe vranë shoferin e një prej cisternave, që bëri rezistencë.
Numri i sulmeve ndaj cisternave është rritur ndjeshëm në javën e fundit, që kur autoritetet pakistaneze mbyllën një prej rrugëve të transportit për në Afganistan.
Kryqëzimi i Torkhamit u mbyll pasi tre ushtarë pakistanezë humbën jetën në një sulm ajror të NATO-s, në kufi me Afganistanin. Islamabadi zyrtar nuk ka deklaruar ende se kur do të rihapet ky kalim.
Top Channel
