Ahmadinexhad: Lufta me SHBA-në do ishte e pafund
22/09/2010 12:55
Presidenti iranian, Mahmud Ahmadinexhad sfidon SHBA-në, duke deklaruar nga selia e OKB-së se një luftë mes dy vendeve do të zgjaste pafund.
“Eshtë në interesin e popullit amerikan të ketë marrëdhënie të mira me Iranin”, shtoi lideri iranian. Ai shtoi gjithashtu se Uashingtoni duhet të merret me cështjet e brendshme të vendit pasi kapitalizmi po vdes dhe bota duhet të gjejë një tjetër model ekonomik.
“Rregulli diskriminues i kapitalizmit po i afrohet fundit”, theksoi numri 1 i Teheranit. Ahmadinexhad nuk ngurroi të kritikonte as OKB-në e strukturat G8 e G20.
“Nuk janë struktira demokratike dhe varen nga qeveri të cilat i kanë shkaktuar njerëzimit varfëri ekstreme”, nënvizoi presidenti iranian.
Top Channel