Somali, përleshje të dhunshme në Mogadisho
21/09/2010 14:35
Vijojnë në Mogadisho përleshjet me rebelët të cilët që prej ditës së djeshme kanë prekur lagje të ndryshme të kryeqytetit somalez.
Në shënjestër të rebelëve, që po hasin rezistencën e trupave qeveritare, është zona në veri të Mogadishos.
Ditën e djeshme, të paktën 10 persona mbetën të vrarë dhe 20 të tjerë të plagosur, ndërkohë që trupat qeveritare arritën të shmangin një atentat ndaj selisë së Presidencës.
Ndërkohë, kryeministri i qeverisë së tranzicionit, Omar Abdirashid Sharmarke ka paraqitur sot dorëheqjen, pas muajve të tërë polemikash mbi mandatin e tij.
Top Channel