Irak, 2 shpërthime, 30 viktima

Sulmet kanë marrë gati 30 jetë njerëzish, ndërsa më shumë se 100 të tjerë mbetën të plagosur. Episodet e fundit të dhunës që trondisin kryeqendrën e Irakut, ndodhen njëri në afërsi të sheshit “Aden”, në veri të Bagdadit dhe tjetri në lagjen Mansur.

Autoritetet thonë se shumica e të plagosurve ishin në shpërthimin e Adenit. Sipas policise, ka shume gjasa që sulmi të ketë patur objektiv zyrën e sigurisë kombëtare. Bomba tjetër u aktivizua jashtë zyrës së një kompanie të telefonisë celulare, duke shkatërruar disa ndërtesa pranë.

Deri me tani, askush nuk ka marrë përgjegjësinë për shperthimet që u paraprinë nga një sulm me raketa mbi Zonën e Gjelbër të fortifikuar rëndë, që strehon ambasada të huaja dhe zyra qeveritare. Dhuna ka njohur nje përshkallëzim të ri në Irak këto muajt e fundit dhe shënjestra kryesore e agresorëve mbeten forcat policore dhe ato ushtarake.

Top Channel