Qytetarët në Afganistan kanë votuar për zgjedhjet parlamentare, pavarësisht kërcënimeve të talebanëve, të cilët bënë thirrje për bojkotin e procesit.
Gjashtë agjentë sigurie mbetën të vrarë nga një sulm taleban në veri të vendit dhe pesë civilë në sulme të tjera.
Kryetari i komisionit të zgjedhjeve bëri të ditur se deri në mesditë kishin votuar 32 për qind e qytetarëve me të drejtë vote.
Procesi zgjedhor, gjatë të cilit janë vënë re edhe disa parregullësi, shihet si një test për kredibilitetin e presidentit Hamid Karzai.
Mbi 2500 kandidatë garojnë për 249 vende në dhomën e ulët të Parlamentit. Ushtarët afganë dhe policia ishin në gjëndje gatishmërie, të ndihmuar edhe nga 150 mijë efektiva të huaj.
Top Channel
