Turqi, ndryshimet kushtetuese drejt miratimit
12/09/2010 19:05
Mësuesit e shkollave dhe universiteteve të mbajnë armë me vete! Del ligji i ri në shtetin e Tenesit 24/04 10:26
Mediat turke dhe ato ndërkombëtare e cilësojnë një triumf të kryeministrit Erdogan dhe partisë së tij, propozuese të ndryshimeve kushtetuese, rezultatin e referendumit të mbajtur ditën e sotme. (UPDATE)
Megjithëse asgjë nuk është zyrtare, rezultatet paraprake, kur janë numëruar mbi 91 përqind e fletëve të votimit, flasin për 59 përqind të votuesve që janë shprehur pro ndryshimeve kushtetuese, duke vulosur një tjetër fitore të Erdogan dhe partisë AKP ndaj opozitës.
Opozita kërkoi rrëzimin e propozimeve me argumentin kryesor se ato bien ndesh me vlerat shekullore të shtetit turk dhe se me anë të tyre kërkohet kontrollimi i sistemit të drejtësisë prej partisë në pushtet. Megjithatë rezultati i deritanishëm i referendumit duket se konfirmon situatatën aspak komode në të cilën ndodhet opozita turke.
26 janë nenet e propozuara për ndryshim, ku përfshihet edhe epërsia e gjykatave civile mbi ato ushtarake.
Referendumi u mbajt pikërisht në 30 vjetorin e ngjitjes në pushtet të juntës ushtarake e cila është edhe hartuesja e kushtetutës ekzistuese.
Top Channel
