Kanada, bllokohet anija me emigrantë tamilë
13/08/2010 21:50
Përmbytjet në Teksas, Trump shpall gjendjen e fatkeqësisë natyrore 06/07 22:26
Një anije me rreth 500 emigrantë nga Sri Lanka në bord është ankoruar në bazën detare kanadeze në British Kolumbia.
Një numër i madh oficerësh të marinës hipën në anije, e cila mbërriti e shoqëruar nga forcat speciale ushtarake dhe menjëherë u mbulua me një pëlhurë për të mbrojtur pasagjerët nga mediat.
Autobuzë dhe autoambulanca mbërritën në vendin e ngjarjes për të transportuar emigrantët në spitalet e afërta dhe në qendrat e pritjes.
Autoritetet kanadeze deklarojnë se emigrantët tani do të verifikohen për shkak të frikës se shumë prej tyre mund të jenë rebelë të fraksionit Tigrat e Tamilit.
Kanadaja, e cila strehon rreth 300 mijë qytetarë nga Sri Lanka, e ka cilësuar fraksionin Tigrat e Tamilit si një grup terrorist dhe nuk pranon hyrjen e tyre në territorin e saj.
Top Channel
