Përkujtohet hedhja e bombës në Hiroshima
06/08/2010 10:05
VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Përkujtohet ditën e sotme 65 vjetori i hedhjes së bombës bërthamore në Hiroshima, ku për herë të parë në ceremoni merr pjesë Sekretari i Përgjithshëm i OKB-së dhe ambasadori i SHBA-së në Tokio.
Mbi 55 mijë persona ishin të pranishëm në ceremoninë që përkujton hedhjen e bombës në qytetin e Hiroshimas në “Peace Memorial Park” në qendër të qytetit.
Mes të pranishmëve ishte edhe kreu i OKB-së Ban Ki Mun, ambasadori i SHBA-së në Japoni, Xhon Ros, kryeministri vendas Naoto Kan dhe përfaqësues diplomatikë nga 74 vende të botës.
Në fund të Luftës së II Botërore, Japonia injoroi Deklaratën e Potsdamit që i bënte thirrje për dorëzim, veprim ky që pasoi me sulmet bërthamore të SHBA-së, “Little Boy” më 6 gusht të 1945 në Hiroshima dhe “Fat Man” më 9 gusht në Nagasaki.
90-166 mijë persona mendohet se kanë vdekur vetëm në shpërthimin e Hiroshimas dhe 60-80 mijë në atë të Nagasakit.
Top Channel
