Një avion pasagjerësh është rrëzuar në momentet kur do të ulej në pistë, në veri të Siberisë, ku si pasojë kanë gjetur vdekjen 15 persona që ndodheshin në bord.
Lajmin e kanë bërë të ditur burime pranë Ministrisë së Emergjencave në Rusi, sipas të cilave ngjarja ndodhi teksa avioni po i afrohej aeroportit në qytetin e Igarkës.
Të njëjtat burime shtojnë më tej se avioni i rrëzuar ishte i tipit “Antonov-24” me një dopio turbohelikë, por nuk dihet se cilës linjë ajrore i përkiste.
Drejt vendit të ngjarjes janë dërguar forca ushtarake dhe agjentë të policisë, të cilët do të hetojnë për zbardhjen e motiveve të ngjarjes.
Top Channel
