Pakistani po kalon një ditë zije kombëtare për shkak të viktimave të aksidentit të djeshëm ajror, që konsiderohet si tragjedia më e rëndë e ndodhur në vend.
Avioni “A321” u rrëzua teksa po bëhej gati të ulej në aeroportin e Islamabadit dhe për pasojë humbën jetën 152 personat që ndodheshin në bord.
Fluturimi i brendshëm nga qyteti i Karacit drejt kryeqytetit po kryhej me nje kompani private ajrore, “Airblue”, e cila konsiderohet si e sigurtë.
Deri tani nuk dihen me saktësi shkaqet e aksidentit, por dyshohet që shkak i tij të ketë qenë moti i keq me shira të dendura.
Aeroplani po fluturonte në kuotë jashtëzakonisht të ulët përpara se të përplasej në kodrat e Margallasë, në veri të kryeqytetit Islamabad.
Top Channel
