Presidenti venezuelian, Hugo Chavez ka kërcënuar se do të ndalë eksportin e naftës drejt SHBA nëse vendi i tij do të sulmohet nga Kolumbia, aleat i ngushtë i Uashingtonit.
Kërcënimet vijnë në një moment kur Venezuela akuzohet se po strehon rebelët kolumbianë.
Chavez ndërpreu lidhjet diplomatike me Kolumbinë javën e kaluar dhe vuri në gjëndje gatishmërie të lartë ushtrinë e vendit të tij.
Venezuela është furnizuesi i pestë i naftës i Shteteve të Bashkuara, duke eksportuar rreth 1 milion fuci në ditë.
Chavez ka deklaruar se ka marrë informacione nga shërbimet sekrete se, rreziku për një agresion të armatosur ndaj Venezuelës nga ana e Kolumbisë ishte më i lartë se kurrë.
“Nëse do të ketë ndonjë sulm ndaj Venezuelës nga territori kolumbian, ose nga cilido territor tjetër, i nxitur nga amerikanët, ne do të ndalojmë anijet me naftë edhe nëse do të na duhet të hamë gurë”, ka deklaruar Chavez.
Top Channel