BE, sanksione të reja ndaj Iranit
26/07/2010 13:30
Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Ministrat e Jashtëm të BE pritet të aprovojnë zyrtarisht sanksionet ndaj sektorit energjitik të Iranit, me qëllim bllokimin e programit të tij bërthamor.
Sanksionet do të prekin tregtinë e huaj, shërbimet financiare, si dhe sektorët e gazit dhe naftës që janë shtylla e ekonomisë.
Autoritetet evropiane deklarojnë se vendimi i pritshëm përmban sanksionet më të ashpra të ndërmarra ndonjëherë nga BE ndaj kujtdo vendi.
Lëvizja vjen një muaj pasi SHBA përforcuan sanksionet ndaj Iranit dhe pasi aleatët e tyre akuzuan Teheranin se po përpiqet të prodhojë armë bërthamore.
Nga ana e tij Irani këmbëngul se programi i tij ka vetëm qëllime paqësore. Muajin e kaluar Këshilli i Sigurimit i OKB-së aprovoi aplikimin për herë të katërt të sanksioneve ndaj Iranit, veprim që preku në mënyrë direkte trupat e Gardës Revolucionare Islamike.
Top Channel
