Vepra “Statutet dhe urdhëresat e kapitullit të Kishës Katedrale të Krishtit” e shtëpisë botuese “Ombra GVG” është fituesja e Çmimit Kombëtar të Bibliofilisë “Lumo Skëndo”.
Ky çmim u dha me vendim të një jurie të kryesuar nga drejtori i Bibliotekës Kombëtare Aurel Plasari dhe u miratua nga Ministri i Kulturës Ferdinand Xhaferaj.
“Pa ndroje them tashmë se diferenca që vjen me botime që vijnë përtej Shqipërisë janë kufizuar”, tha Gëzim Tafa, drejtor i “OMBRA GVG”.
Ministri Xhaferaj foli mes të tjerash për rëndësinë e këtij çmimi.
“Ky çmim i shërben vlerësimit dhe stimulimit të botimeve me vlera të spikatura bibliofilike dhe intelektuale”, tha Xhaferaj.
Ndër botimet e 2009-ës u seleksionuan 9 libra, nga të cilët u përzgjodh edhe fituesi. Ky është edicioni i katërt i Çmimit Kombëtar të Bibliofilisë “Lumo Skëndo”.
Biblioteka Kombëtare prezantoi edhe projektin e saj më të fundit të realizuar: dixhitalizimin e periodikut kulturor, koleksioni “Dituria 1909-1928” i Lumo Skëndos.
Top Channel