Rreshen-Kalimash, kosto e rende edhe kete vit

Njeri prej dy tuneleve u vu ne pune javen e kaluar dhe Ministria e Transporteve deklaroi se kjo eshte hapja perfundimtare e tubit jugor, por kompania sipermarrese do te vijoje punimet.

Burime nga qeveria bejne te ditur se “Bechtel-Enka” mund ta dorezoje vepren rreth muajit nentor, disa muaj me vone nga premtimi i meparshem per ta dorezuar ne korrik. Por problem kryesor mbeten tejkalimet e stermedha ne kostot e parashikuara te punimeve, te cilat mund te krijojne nje grope me permasa te konsiderueshme.

Qeveria pati parashikuar te shpenzoje vetem 3 miliarde leke per rrugen e kombit kete vit, kur miratoi buxhetin dhjetorin e shkuar, duke aluduar se pjesa derrmuese e punimeve qene kryer. Por edhe nje here, parashikimet dolen te pavlera. Vetem ne periudhen janar-prill punimet hengren 6.3 miliarde leke (46 milione euro) dhe plani u tejkalua me 210 per qind. Pavaresisht kesaj, punimet vazhdojne dhe kostot vijojne rritjen.

Kompania “Enka” pati publikuar me heret ne faqen e vet ne internet korrikun si afatin e perfundimit te punimeve, por vete zyrtaret e qeverise shqiptare besojne se ky afat do te shkelet serish dhe kostot do te rriten me tej. Problemi eshte se keto shpenzime te teperta nuk jane programuar ne buxhetin e shtetit dhe Ministrise se Financave do t’i nevojitet te anuloje projekte te tjera, ose te rrise deficitin buxhetor ne nje vit kur i ka vene vetes detyren te ule kostot.

Asnje zyrtar nuk eshte ne gjendje te thote se sa mund te kushtoje rruga deri ne castin e dorezimit. Rruga duhej fillimisht te perfundonte ne qershor 2009, por u shty per ne mars 2010, permes nje “shtese kontrate”. Shtyrja vijoi edhe per dy here te tjera. Pas cdo shtyrjeje, qeveria detyrohet te paguaje disa dhjetera milione euro shtese.

Sipas modelit te kontrates, sipermarresi paguhet per cdo meter beton te hedhur dhe ne rast se ndonje gje shkon ters rruges dhe puna duhet te ribehet, atehere eshte qeveria qe duhet te paguaje. E njejta gje ndodhi edhe me aksidentin e shembjes se tunelit jugor nentorin e kaluar, nje shembje per shkaqe natyrore, e cila i kushtoi qeverise 20 milione euro shtese. Ne kete kontekst, shtyrja e metejshme e afatit te perfundimit te punimeve shton automatikisht edhe koston.  

Top Channel