Google, Kina: Transferimi i trafikut, vendim i gabuar
23/03/2010 00:30
Protestat në kampusin e Universitetit të Kolumbias, efekticvi i policisë qëllon aksidentalisht me armë 03/05 22:59
Ka ardhur i menjëhershem reagimi i autoriteteve kineze ndaj Google pas njoftimit të kompanisë “Mountain View”, për transferimin e trafikut nga Kina në Hong Kong.
“Vendimi i Google për transferimin e trafikut në Hong Kong është një vendim i gabuar që shkel një garanci të nënshkruar mes kompanisë dhe Kinës”, thuhet në deklaratën e Pekinit zyrtar, cituar prej agjencisë së lajmeve vendase “Xinhua”.
Ndërkohë, pas vendimit të Google, ka reaguar edhe Shtëpia e Bardhë që ka shprehur zhgënjimin e saj për mosarritjen e një marrëveshje mes motorit të kërkimit dhe Kinës.
“Jemi të zhgënjyer që nuk u arrit një marrëveshje mes Kinës dhe Google që do t’i lejonte kompanisë vazhdimin e aktivitetit të saj në Kinë”, thuhet në deklaratën e Uashingtonit.
Google njoftoi ditën e hënë transferimin e trafikut drejt Hong Kongut duke ofruar për vendin komunist shërbime vetëm në fushën e shit-blerjeve për të shmangur censurën kineze.
Top Channel
