Obama, plan per shkurtimin e shpenzimeve

26/01/2010 12:45

Presidenti amerikan Barack Obama do te njoftoje nje plan 3 vjecar per ngrirjen e nje pjese te shpenzimeve, me qellim reduktimin e deficitit buxhetor te vendit qe ka kapur shifren 1.4 trilion dollare.

Ne nje fjalim qe do te mbaje diten e merkure, pritet qe presidenti te zbardhe detajet e planit.

Burime zyrtare kane deklaruar per mediat amerikane se mbrojtja, disa programe te sektorit shendetesor dhe paketa stimuluese e ekonomise do te mbeten te paprekura.

Kritiket deklarojne se kursimet e planifikuara, qe parashikojne nje shkurtim jo me te madh se 15 bilione nga buxheti i vitit te ardhshem, jane te pamjaftueshme.

Por zyrtare te administrates deklarojne se plani do te sjelle nje kursim prej 250 bilione dollaresh gjate 10 viteve te ardhshme.

Ngrirja e shpenzimeve mbulon shume programe te brendshme dhe departamente per te cilet Kongresi cakton buxhete cdo vit, perfshire ketu agrikulturen, transportin dhe arsimimin.

Shpenzimet per sigurine, mbrojtjen, ndihmen e jashtme, sigurine sociale, per kujdesin shendetesor, per te varferit dhe pensionet do te clirohen.

Presidenti Obama po perballet me kritika te shumta per rritjen e shpenzimeve te qeverise dhe rritjen e deficitit buxhetor.

Top Channel