Mollët e Korçës nuk shiten. Çmimi bie në 20 lekë për kilogram

Në Korçë, prodhimet edhe këtë vit kanë mbetur të pashitura, pavarësisht se çdo vit ata kanë ngritur shqetësimin për prodhimet që u mbeten stok, si pasojë e mungesës së tregut apo konkurrencës në çmim nga mollët e Kosovës dhe Maqedonisë.

Në fshatin Vranisht, produkti i punës së një viti ka mbetur i bllokuar në magazina.

“Situata e tregut të mollës është shumë e rënduar. Oferta është jashtëzakonisht e ulët, aq sa ne nuk mbulojmë dot as shpenzimet”, thotë një fermer.

“Kam rreth 100 kuintalë në shtëpi. Ka shumë prodhim, disa prej mollëve janë dëmtuar, por nuk ka treg. Nga çmimi i ulët mezi mbulojmë shpenzimet”, thotë një tjetër fermer.

Dhjetëra fermerë në fshatin Vranisht ngrenë alarmin se, nëse prodhimet e tyre nuk do të mund të shiten, falimentimi është i pashmangshëm. Në të njëjtën situatë ndodhen edhe fermerët e tjerë të shumë fshatrave në zonën e Korçës.

Top Channel