Conte te Chelsea, tronditen pozitat e trajnerit
20/09/2016 00:00
“Një ëndërr e bërë realitet”, Xhaka: Nuk e kuptuam si Roma na shënoi dy gola! 10/05 10:45
Pozitat e Antonio Contes në stolin e Chelsea-t duket se janë tronditur tashmë. Kjo është ajo që theksohet te tabloidi britanik “Daily Star”, sipas të cilit padroni i “Bluve të Londrës”, Roman Abramovich duket se e ka humbur shumë shpejt durimin me ish teknikun e Juventusit dhe përfaqësueses italiane.
Gjithnjë sipas “Daily Star”, manjati rus ka mbetur i pakënaqur me paraqitjet e Chelsea-t në sfidën me Liverpulin në “Stamford Bridge”, duke organizuar një mbledhje me drejtuesit e klubit menjëherë pas përfundimit të saj. Mësohet se kjo mbledhje ka zgjatur disa ore ku Abramovich ngriti shumë pikëpyetje për punën e Conte-s deri tani.
Zëvendësimet e kryera nga Conte në minutat e fundit të sfidës dhe lënia në stol e Batshuait, i cili i kushtoi Chelsea-t 40 milionë euro nuk u panë me sy të mirë nga Abramovich, i cili pret akoma më shumë nga Conte.
Top Channel
