Itali, goditet grupi italo-shqiptar i drogës, 19 në pranga
13/09/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Të paktën 19 persona, pjesë e një bande italo-shqiptare të trafikimit të lënëve narkotike, janë vënë në pranga nga policia italiane në një operacion të gjërë të zhvilluar në zonën e Leçes.
Të arrestuarit dyshohet se janë pjesë e një organiziate që ka trafikuar në Itali sasi të konsiderueshme të drograve të forta.
Gjatë kontrolleve të ushtruara në banesat e të arrestuarve policia ka gjetur 14 kg heroinë, 1 kg kokainë, 136 kg kanabis si dhe 3 armë zjarri automatike.
10 nga 19 personat e arrestuar mësohet se janë shqiptarë, ndërsa një nga 9 shtetasit italianë të vënë në pranga është punonjës policie.
Ky i fundit mësohet se ka bashkëpunuar me anëtarët e grupit kriminal duke u dhënë informacione të ndryshme mbi lëvizjet e patrullave të Guardia di Finanza-s në këmbim të parave.
Organizata e kishte shtrirë aktivitetin e shpërdarjes së drogës edhe në zonat përrreth Leçes. Nga hetimet që kanë zgjatur më shumë se një vit rezulton se shqiptarët në kishin kryeisht rolin e furnizuesve në bandë, ndërsa italianët kujdesenin për pjesën logjistike të mjeteve që përdoreshin për shpërndarjen e drogës.
Urdhër-arrestet janë lëshuar nga prokuroria me kërkesë të Drejtorisë Rajonale të Antimafias.
Top Channel
