Cavendish braktis Turin e Francës
20/07/2016 00:00
“Një ëndërr e bërë realitet”, Xhaka: Nuk e kuptuam si Roma na shënoi dy gola! 10/05 10:45
Mark Cavendish braktis Turin e Francës pikërisht në momentin kur ky aktivitet po i afrohet fundit. Çiklisti britanik, që në këtë edicion të turit ka fituar 4 etapa, bëri të ditur se vendosi që të tërhiqej pasi dëshiron të përgatitet sa më mirë për Lojërat Olimpike të Rios që nisin më 5 gusht.
“Duke parë intensitetin e etapave të mëparshme të Turit të Francës, unë së bashku me drejtuesit e skuadrës arritëm në përfundimin se vazhdimi i garimit në këtë eveniment do të dëmtonte objektivin tjetër madhor timin, Lojërat Olimpike”, deklaroi Cavendish qw shtoi se “nuk ishte e lehtë për mua të bëja këtë zgjedhje, por unë nuk do të jem në Paris”.
Mark Cavendish e ka vendosur emrin e tij në librin e artë të Turit të Francës. Deri tani britaniku një specialist i sprinteve në garat çiklistike, ka shënuar 30 fitore etapash në karrierë në Turin e Francës duke u renditur në vendin e dytë pas legjendarit belg Eddie Merkxx.
Top Channel
