Kosovë, protesta e opozitës: Qeveria po shet territorin për vizat
14/05/2016 00:00
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Mijëra qytetarë janë mbledhur këtë të shtunë në sheshin “Skenderbeu” në Prishtinë, në protestën e dy subjekteve opozitare AAK dhe Nisma për të kundërshtuar demarkacionin mes Kosovës dhe Malit të Zi dhe Asociacionin e komunave me shumicë serbe.
Kryetari i Nismës për Kosovën, Fatmir Limaj tha se qeveria nuk mund të falë tokën e Kosovës në këmbim të heqjes së vizave.
“Po i marrim vizat e po japim tokë. Kështu po na thonë. Dhe ne jemi sot këtu në shesh për t’u thënë se ne i meritojmë vizat dhe asnjë centimetër tokë nuk japim”, deklaroi Limaj.
Ndërsa lideri i AAK-së, Ramush Haradinaj, pasi përmendi shkeljet kushtetuese të qeverisë dhe gjendjen e rëndë në vend, kërkoi zgjedhje të reja.
“Ne me të drejtë sot u kërkojmë atyre që t’i kthejnë mandatin qytetarit. Me të drejtë sot u themi, se Kosova mund të rinisë nëse vendos qytetari”, deklaroi Haradinaj.
Në protestën e dy subjekteve opozitare pas ndarjes me Vetëvendosjen ishin edhe shumë flamuj të Kosovës si dhe u intonua himni shtetërorë.
Por, edhe pse Vetëvendosje nuk ishte pjesë e organizimit, disa mesazhe të saj u dëgjuan në protestë. Ndryshe nga folësit politikë, aktori i njohur Çun Lajçi, që vjen nga rajoni i Rugovës, duke interpretuar dërgoi mesazhin se banorët do ta mbrojnë edhe vetë kufirin me Malin e Zi.
Top Channel
