Joshi dhe kreu seks me të mitur, futbollisti anglez dënohet me burg

Ndaj Johnson, aktualisht 28 vjeç, hetimet nisën një vit më parë pasi dyshohej në të paktën 4 raste për marrëdhënie me të mitur.

Në atë kohë ai do të mohonte të gjitha akuzat dhe do të vazhdonte karrierën e tij tek Sunderland duke arkëtuar 3 milionë paund në 11 muaj. Në përfundim të hetimeve dhe me nisjen e procesit ndaj tij një muaj më parë, 28-vjeçari do të përjashtohej nga klubi.

Nga katër rastet e dyshuara, Johnson u gjet fajtor vetëm në njërin prej tyre, ku gjyqtarja e çështjes e akuzoi se kishte përfituar nga statusi i tij si futbollist për të joshur dhe më pas kryer marrëdhënie seksuale me të mitur.

“Duhet të jesh i qartë se burgu është i pashmangshëm për ty”, deklaroi në seancën përfundimtare gjyqtarja e çështjes.

Vepra me të cilën akuzohet Johnson ndëshkohet sipas ligjeve angleze nga 5 deri në 14 vite burgim. Ndaj ish-futbollistit vendimi përfundimtar pritet të jepet brenda 3-4 javëve.

Top Channel