Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Mijëra punonjës të fabrikave të rrobave në Bangladesh u paraqitën sot për punë por u urdhëruan të kthehen mbrapsht megjithse pronarët i kishin thirrur të vinin gjatë bllokadës së koronavirusit.
Stafi i panumërt krijoi skena kaotike në Dhaka teksa shpresonin të rinisnin punë për t’u paguar për marsin, pas 10-ditëshit të izolimit të urdhëruar nga qeveria. Por izolimi u zgjat deri me 14 prill.
Pronarët thanë se shumica e punëtorëve ishin pushuar përkohësisht ose dërguar me leje, ndërsa një pjesë e vogël kishin humbur vendin e punës.
Khadiza Akter, zv. president i sindikatës të veshjeve Sommilito Garments Sramik, tha: ‘Kur ata erdhën në fabrika këtë mëngjes, iu tha se ishin lënë me pushime derisa fabrika të riniste punë pas bllokadës’.
Bangladeshi mbështetet fuqimisht në industrinë e prodhimti të rrobave, që përbën 80% të eksporteve të tij, me rreth 4,000 rrobaqepsi ku punojnë 4 milionë njerëz, shumica gra.
Ai është furnizuesi më i madh me rroba i Perëndimit, i dyti vetëm pas Kinës.
Akter tha se mijëra punonjës po vinin veten në rrezik duke u rikthyer në punë prej keqmenaxhimit: ‘Nuk ishte nevoja që ata të vinin, mund të njoftoheshin në telefon për mbylljen e fabrikave’.
Top Channel
