ShBA: Refuzoni energjikisht dhunën
21/06/2019 03:05
Temperatura deri në 19 gradë celsius dhe reshje shiu lokale. Si do jetë parashikimi i motit për sot 26/04 07:05
Në përfundim të tensionit në Shkodër mbrëmjen e së enjtes dhe në prag të protestës kombëtare që opozita mban sot para kryeministrisë, ambasada amerikane bën thirrje që të gjithë të qëndrojnë larg dhunës.
“Shtetet e Bashkuara duan atë që meriton populli shqiptar: sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht, ndërkohë që bën që ata që përfshihen në dhunë të mbajnë përgjegjësi”, thotë ambasada amerikane në Tiranë.
“Nxisim të gjithë qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike, ndërkohë që lejojnë bashkëqytetarët e tyre të bëjnë të njëjtën gjë”, vijon deklarata.
Po ashtu ambasada amerikane në Tiranë, iu bëjmë thirrje organizatorëve të protestës së sotme që të mbajnë përgjegjësi përballë po të njëjtave parime, t’iu bëjnë thirrje publikisht mbështetësve të tyre të mblidhen paqësisht si dhe të refuzojnë energjikisht dhunën në çdo mundësi.
Top Channel
