Policia gjermane bastis kampin e protestës me tenda pro-Palestinës në Berlin (fotot)
26/04 19:16
Franca do të ndalojë një tip popullor implanti të gjoksit, i cili është lidhur me një formë të rrallë kanceri.
Lajmin e përcjell e përditshmja “Le Monde” dhe radioja publike franceze, që citojnë një letër të dërguar prodhuesve të këtyre implanteve nga autoritetet shëndetësore.
Në një vendim të cilësuar “historik”, Agjencia Kombëtare e Mjekësisë dhe Produkteve Shëndetësore të Francës, “ANSM” i ka njoftuar më 2 prill prodhuesit mbi planet e saj për të ndaluar “prodhimin, shpërndarjen, import-eksportin, promovimin dhe mbajtjen e implanteve me veshje poliuretani”.
Në letrën, të cilën “Le Monde” e publikoi në faqen e saj të internetit, agjencia përmend një “rrezik të rrallë, por serioz” të paraqitur nga implantet e lidhura me limfomën anaplastike me qeliza të mëdha (BIA-ALCL), një formë e rrallë e sëmundjes së kancerit.
“ANSM” e ka ndjekur ecurinë e mbajtëseve të protezave të gjirit që nga viti 2011. Shumica e 500 mijë femrave me implante silikoni në këtë vend mendohet të kenë ato me sipërfaqe më të ashpër, pasojë e veshjes prej poliuretani që përdoret për të shmangur rrëshqitjen jashtë pozicionit.
Franca ishte në qendër të një skandali të madh në vitin 2010, kur rezultoi se krijuesi i një marke popullore implantesh i kishte mbushur me një xhel silikoni të lirë industrial, i cili ishte më i rrezikshëm për përdorueset sesa silikoni mjekësor.
Top Channel
