Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Për të garuar në Europë duhet eksperiencë dhe pikërisht ky element i mungoi kampionëve në fuqi të Superligës, Dritës. Gjilanasit e mbyllën aventurën e tyre europiane në turin e dytë eliminator të Europa League, pasi u eliminuan nga skuadra luksemburgase, Dudelange.
Këta të fundit, pas fitores 2-1 një javë më parë në Luksemburg, arritën të marrin një barazim 1-1 në stadiumin olimpik “Adem Jashari” të Mitrovicës, dhe të kualifikohen më tej.
Drita kaloi e para në avantazh, në minutën e 26 me anë të Limanit, që shënoi me kokë, pas një harkimi në zonë. Gjithsesi skuadra gjilanase u tregua e pavëmendshme në fillim të pjesës së dytë, kur pësoi një gol tërësisht të evitueshëm.
Minutat e mbetura Drita bëri përpjekje për të gjetur golin e fitores, që do ta çonte takimin në shtesë, por nuk ia doli të kërcënojë seriozisht portën e miqve.
Nga ana tjetër, luksemburgasit zbritën disa herë rrezikshëm në kundërsulm dhe i shkuan pranë golit të dytë, por portieri Bakaj u tregua në lartësinë e detyrës.
Drita e Gjilanit e nisi aventurën europiane në paraeliminatoret e Champions League dhe ia doli të kualifikohet për në turin e parë eliminator. Pikërisht këtu u përball me kampionët suedezë të Malmos, dhe u eliminua për të luajtur në Europa League ndaj Dudelange.
Top Channel
