Korçë, veprat e Bizantit
19/04/2017 00:00
Dasma e Skënderbeut! Festa e përvitshme me vënien në skenë të martesës në Ardenicë
26/04 15:33
Në Muzeun e Artit Mesjetar të Korçës u ekspozuan 32 punime, afreske dhe ikona të studiueses ruse Viktori Puzanova, të cilat janë riprodhime të veprave të artistëve më të njohur të periudhës bizantine.
Në 50-vjetorin e vdekjes së saj, Instituti i Monumenteve të Kulturës, në bashkëpunim me Ministrinë e Kulturës, kanë organizuar një ceremoni përkujtimore. Puzanova vuri themelet e bizantologjisë shqiptare.
Arta Dollani, drejtoreshë e Institutit të Monumenteve të Kulturës, shprehet: “Ekspozohen të gjithë veprat e saj origjinale, që ruhen në fondin e Muzeut të Artit Mesjetar. Janë punime të realizuara prej saj gjatë ekspeditave. Është themeluesja e sektorit të artit bizantin në Institutin e Kulturës Popullore”.
Ndërsa kuratori Maks Velo thotë: “Po të mos ishin studimet e saj, nuk do të ishte ky muze që kemi sot. Ky muze është bazuar mbi publikimet e Viktorisë dhe mbi jetën e Theofan Popës”.
Mes punimeve të saj gjenden të riprodhuara edhe një pjesë e veprave të emrave më të njohur të ikonografisë shqiptare, të pothuaj të gjitha kishave të vendit, disa prej të cilave sot nuk ekzistojnë më ose janë degraduar.
Top Channel
