Një golfiste 15-vjeçare ka humbur jetën pasi u godit nga rrufeja në një fushë golfi në Tajlandë, ku aktiviteti sportiv vijonte pavarësisht stuhisë.
Adoleshentja, e identifikuar si Nong Leng, ndërroi jetë të hënën në mëngjes, pasi nuk arriti t’u mbijetonte plagëve të rënda. Nga i njëjti incident mbeti i plagosur rëndë edhe një 31-vjeçar.
Sipas mediave tajlandeze, ngjarja ndodhi të dielën, kur rrufeja goditi fushën e golfit. Pas goditjes, 15-vjeçarja ra pa ndjenja në tokë dhe nuk shfaqte shenja jete. Ekipet e shpëtimit ndërhynë menjëherë, duke arritur ta rikthenin në jetë përmes reanimimit kardiopulmonar (CPR).
Ajo u transportua fillimisht në një spital aty pranë dhe më pas u transferua në një tjetër për shkak të gjendjes së rëndë shëndetësore. Rreth një orë pas incidentit, adoleshentja pësoi një atak kardiak dhe qëndroi gjatë gjithë natës nën kujdesin e mjekëve, por ndërroi jetë të hënën në mëngjes.
เมื่อวานมีเหตุเศร้าฟ้าผ่า กลางสนามกอล์ฟ ณ ตำบลดอนเกาะกา อำเภอบางน้ำเปรี้ยว จังหวัด ฉะเชิงเทรา โดยที่โดนน้องเอย่า
วัย 15 ปี อยู่ที่สนามกอล์ฟ พร้อมแคดดี้หญิงวัย 31 ปี น้องเอย่าอาการสาหัส แคดดี้บาดเจ็บเล็กน้อย ทำให้เจ้าหน้าที่ได้ส่งไปทำการรักษา ณ รพ.บางน้ำเปรี้ยว ก่อนที่น้อง เอย่า จะจากโลกนี้ไปแบบไม่มีวันกลับ
ซึ่งทาง คุณแม่น้อง เอย่า ได้โพสต์ว่า ไม่มีพ่อแม่คนไหนยอมปล่อยลูกไปง่ายๆหรอก แต่ถ้ามันสร้างความเจ็บปวดให้ลูกอันเป็นที่รัก พ่อกับแม่จะขอยอมปล่อยมือ ให้ลูกไปสบายหนูแกร่งที่สุดแล้วเอย่าลูกรัก หัวใจหยุดเต้น ตั้งแต่โดนฟ้าผ่า เกือบชั่วโมง ฮึดสู้กลับมาได้ อีก 10 รอบ อดทนข้ามคืน เพื่อรอพ่อบินกลับ มาบอกลาครั้งสุดท้าย หลับให้สบายนะลูกรัก แหลก สลาย ไม่ มี ชิ้น ดี พร้อมขอโทษทุกคน ที่ไม่สามารถรับสาย หรือตอบใครได้ ยังไม่พร้อมอะไรทั้งนั้น พา เอย่า กลับบ้านวันนี้🙏🏻
— ฟอร์จูนที่มีหมา5ตัว (@fortunelovedog) November 2, 2026
Lajmin e hidhur e bëri të ditur nëna e saj përmes një postimi në rrjetet sociale, ku ndau edhe një mesazh prekës për të bijën. Ajo tregoi se babai i vajzës po kthehej nga jashtë shtetit për t’i dhënë lamtumirën e fundit.
Nong Leng ishte një golfiste e re dhe premtuese në Tajlandë. Ajo ishte anëtare e Shoqatës së Golfit për të Rinj të Tajlandës dhe kishte marrë pjesë në disa turne për të rinj. Në vitin 2026, kishte fituar edhe Kampionatin e Turit Aziatik për të Rinj.
Top Channel
