Fitorja 3-0 nuk e kënaq plotësisht Maranin: Mund të bënim më tepër

Kuqezinjtë ruajnë kështu vendin e parë në Grupin 1 të Ligës C me 6 pikë, ndërsa pas ndeshjes trajneri Rolando Maran analizoi paraqitjen e skuadrës, duke pranuar se pavarësisht kënaqësisë për rezultatin, Shqipëria mund të kishte bërë më shumë në aspektin e lojës. Italiani u ndal edhe te vështirësitë që mund të sjellin ndeshje të tilla, duke sjellë në vëmendje edhe përballjen e Finlandës me San Marinon.

“Mendoj se ka qenë formë për të kursyer edhe forcat. Janë katër ndeshje njëra pas tjetrës. Jam i lumtur për rezultatin, mund të kishim bërë më tepër për paraqitjen. Kemi pasur posedimin e topit, mund të ishim futur më mirë në pjesën e dytë dhe të kishim raste më tepër. Në total jam i lumtur.

Janë disa ndeshje ku në fakt janë edhe emocionet e një debutimi të tillë. Ndeshje të vështira, e kanë menaxhuar mjaftueshëm mirë. Nuk ka kundërshtar të thjesht në raste të tilla. Edhe Finlanda pati vështirësi në centimetrat e fundit ndaj San Marinos.

Jemi ruajtur pak, për shembull Kristjan Asllani kishte një karton. Pas pjesës së parë u zëvendësua dhe Gjimshiti. Është çështje e menaxhimit të skuadrës”, u shpreh trajneri i Kombëtares.

Top Channel