Është Arsenali ai që fiton derbin e Londrës me Chelsea. Në Emirates Stadium, skuadra e Mikel Artetës iu imponua Bluve duke i mundur me përmbysje në rezultat 2-1 dhe i bashkohen Manchester City në krye të klasifikimit me 9 pikë të plota.
Ishte Chelsea ai që e nisi më mirë këtë ndeshje me skuadrën e Xabi Alonsos që gjeti golin e avantazhit pas vetëm 2 minutash lojë. Pas ekzekutimit të një goditje dënimi Hato gjuan me kokë duke shërbyer te Morgan Rogers që me një të djathtë të fortë mposhti portierin Raya. Topcinjtë reaguan menjëherë duke shënuar me Calafiorin, por goli i italianit u anulua nga sistemi VAR pasi Konsa përpara gjuajtjes së Calafiorit ishte në pozicion jashtë loje. Megjithatë në minutën e 25 Arsenali arriti të barazojë rezultatin në 1-1 me Kai Havertz; sulmuesi gjerman merr topin në të djathtë shkon më në qendër dhe me të majtën mposhti portierin Emiliano Martinez dhe me shifrat 1-1 u mbyll pjesa e parë e sfidës.
Në fillimin e pjesës së dytë ishte Arsenali ai që shënoi me kapitetin Odegaard. Tzolis shërbeu te Havertz me këtë të fundit që e lejoi topin të shkojë te norvegjezi që i gjendur i vetëm përballë Emiliano Martinez e mposhti argjentinasin duke e çuar rezultatin në 2-1 për Arsenalin. Kampionët e Anglisë edhe pse në avantazh, arritën të mbanin lojën nën kontroll dhe të mbyllnin këtë ndeshje me rezultatin 2-1 në favorin e tyre duke fituar bërë të tyrin këtë derbi londinez.
Top Channel
